Refund policy
Право на откажување од договор склучен на далечина
Согласно со Законот за заштита на потрошувачите („Службен весник на РСМ“ бр. 236/2021), потрошувачот има право, без да наведува причина, да се откаже од договорот склучен на далечина (преку интернет, телефон, каталог и сл.), во рок од 14 дена од денот на приемот на производот.
Како да се оствари правото на откажување
За да го остварите правото на откажување, потребно е:
Во рок од 14 дена од приемот на производот, да нè информирате за вашата одлука за откажување, со јасна изјава во писмена форма.
Изјавата можете да ја испратите преку:
електронска пошта (емаил): hello@kobelstore.com
по пошта (препорачано писмо): AVOKADO DOOEL, Dame Gruev 14-1, MK-1000 Skopje
или директно, на нашата деловна адреса.
Можете да го искористите образецот за откажување од договор, кој е достапен на нашата страница.
Враќање на производот
Производот треба да се врати без неоправдано одложување, најдоцна во рок од 14 дена од денот кога нè информиравте за откажувањето. Производот треба да биде неоштетен, некористен, во оригинално пакување, заедно со фактурата или друг доказ за купување.
Трошоците за враќање на производот ги сноси потрошувачот.
Поврат на средствата
По приемот на вратениот производ или доказот дека истиот е испратен, ќе ви ги вратиме сите уплатени средства, вклучувајќи ги и трошоците за испорака (освен доколку сте избрале поскап начин на испорака од стандардниот што го нудиме), во рок од 14 дена.
Средствата ќе ви бидат вратени на ист начин на кој што е извршена уплатата, освен ако изречно не се договори поинаку.
Исклучоци од правото на откажување
Правото на откажување не може да се примени во следниве случаи (меѓу другото):
- при испорака на производи изработени по спецификации на потрошувачот или јасно персонализирани,
- при испорака на запечатени производи што не се погодни за враќање поради хигиенски причини, ако пакувањето е отворено по испораката,
- производи кои по испораката се нераздвојно помешани со други производи поради нивната природа.